هذه النسخة للطباعة فقط من [ الإبداع - http://www.elebda3.com/ ]
انفلونزا الخنازير h1n1 - هل ممكن أتعالج؟ - http://www.elebda3.com/sub200-m.htm - [ عدد الزيارات : 674 ]

هل ممكن أتعالج؟

الإجابة .. آه .. الحمد لله

السلطات الأمريكية بترشح علاجين ممكن نستخدمهم:

تاميفلو Tamiflu و ريلينز Relenza والسلطات الإنجليزية بدأت تجهز مخزون ليها من التاميفلو Tamiflu

بس للأسف مش ليهم تأثير غير لو أخدناهم فى المراحل الأولى من الإصابة بس لكن يا جماعة الأدوية دى لازم تؤخذ بإرشاد الطبي

النقطة دى مهمة جداً جداً جداً خاصة دلوقتى لأن لو كلنا أخدناها للوقاية ممكن يحصل تحورغير متوقع وتظهر لنا سلالة جديدة مش نعرف لها أى علاج وممكن تكون أكثر خطورة من اللى موجودة الوقتى

وطالما سألتم عن العلاج هكلمكم عن حاجة مهمة .. وهى المصل ..

عشان لو حد سألكم للأسف .. الاحتمال الغالب إن مصل الانفلونزا الموجود الوقتى مش له أى دور فى حمايتنا من انفلونزا الخنازير

والمصل اللى استخدمه العلماء فى الولايات المتحدة للوقاية من الوباء اللى حصل سنة 1976

كان له أعراض جانبية خطيرة وسبب حالات وفاة أكتر من اللى سببها الفايروس نفسه وجارى العمل دلوقتى على مصل جديد

لكن للأسف الأمر ده ممكن يستغرق حوالى 5 شهور

ولو تابعنا تطور المأساة فى اليومين اللى فاتوا هنلاحظ حاجة غريبة

إن الفايروس قتل أشخاص كتير فى المكسيك

لكن سبب إصابات متوسطة فى الولايات المتحدة الأمريكية

يا ترى إيه السبب؟

العلماء وضعوا نظرية .. ممكن تصيبنا بالرعب

وهى إن الفايروس بدأ الانتشار فى المكسيك من فترة طويلة وعلى نطاق واسع

واحتمال إن تبقى فى المكسيك عدد كبير جداً من الإصابات إذا حسبنا عدد اللى ماتوا بالنسبة له هنلاقيها نسبة صغيرة جداً

وده للأسف مؤشر مخيف لاحتمال ظهور وفيات بصورة أشد فى الولايات المتحدة وباقى الدول اللى ظهرت فيها الإصابة

وفى حاجة مهمة جداً لازم نتكلم فيها قبل ما نختم المقال

وهى إن ذبح 350 ألف خنزير فى مصر هينتج عنه ملايين الكيلوجرامات من لحم الخنزير

وممكن تتباع عن طريق بعض التجار معدومى الضمير على إنها لحم بقرى أو جاموسى أو حتى لحم الجمال

انفلونزا الخنازير h1n1 - هل ممكن أتعالج؟ - http://www.elebda3.com/sub200-m.htm