مقال: لمحة عن السوجوك | العلاج عبر  تقنية السوجوك sujok و الرفلكسولوجي Reflexology

مقال: لمحة عن السوجوك | العلاج عبر تقنية السوجوك sujok و الرفلكسولوجي Reflexology


قراءة منشورات في مدوّنة العلاج عبر تقنية السوجوك sujok و الرفلكسولوجي Reflexology ، لمحة عن السوجوك : ..

لمحة عن السوجوك:

 

 


منقول من http://ezmeli.blogspot.com/2013/08/blog-post_31.html


 

 


 




حنا ك بشر دائما نهمل انفسنا ونهمل صحتنا لين تتراكم علينا الامراض ثم نهرول للاطباء والمستشفيات بالوقت اللي
نقدر فيه اننا نهتم بانفسنا ونعالج ذواتنا بطرق اقل ما يقال عنها انها بسيطة.
كل اللي نحتاجه اننا نتعلم كيفية الشفاء الذاتي من خلال جزء معين من جسمنا وبكذا نقدر نعيش بسلام وبصحة وعافية باذن الله.


قد سمعتي بالعلاج عبر السوجوك ؟!

يمكن اول مرة تمر عليك الكلمة هذي طيب وش معناها او بصيغة ثانية وش هو السوجوك؟

سو يعني اليد جوك يعني الرجل
 





السوجوك علم حديث ونوع من انواع الطب البديل اكتشفه بروفيسور كوري بارك جي ويعتبر العلاج الاسرع والاوفر في العالم , يعتبر السوجوك تكنيك يسكن اي نوع وجع في جسمك والحلو فيه انه سهل وتقدرين من خلال تعلمه انك تطبقينه على نفسك بمنتهى السهولة وما ياخذ اكثر من ساعة.

تعتبر طريقة العلاج بالسوجوك من اشهر الطرق المعتمدة بين ملايين البشر وفي كل العالم خصوصا الدول المتطورة هذا ان دل على شيء دل على ان هذي الطريقة فعالة جدا للقضاء على معظم الالم اللي تواجهنا خلال يومنا المرهق والشاق.

جسم الانسان يعتبر عالم متكامل ومتناغم فمن نعم الله علينا ان ايادينا وارجلنا تحتوي على منظومة عمل متكاملة نقدر نشبهها بازرار التحكم عن بعد بحيث انها تتحكم بصحة الانسان , سبحان الله هذي الازرار تعتبر عيادة طبية طبيعية والعجيب بالموضوع ان هذي الطريقة ما تساعد في الشفاء وبس بالعكس من الممكن برضو انها تحميك من الامراض والالام هذي و زي مانعرف الوقاية خير من علاج.
اليد والقدم نسخة مصغرة عن باقي الجسم وهذا الشي هدية إلاهية من ربنا حبيبنا اعطانا اياها عشان نستفيد منها ونعالج انفسنا بانفسنا ف ليه ما نتعلمها ونستغل هذا الشي اللي فينا!

 


 

 

 



 




 



 


 

 



وش اللي يميز السوجوك عن غيره ؟

الشي اللي يميز العلاج عبر السوجوك انه مايعتبر اسلوب علاج بس , بالعكس هدف بارك جي كان اننا ندرك ونفهم قوانين الحياة البشرية وسعى انه ينشر روح التعاون بين البشر بهدف اننا نعرف معنى الحب وقيمة الصحة , غير كذا يعتبر ذا العلاج سهل وفعال وذا الشي يخليك ويخلي اي احد يقدر يعالج نفسه وغيره بدون ادوية .

على فكرة ذا الاسلوب محد اخترعه مجرد اكتشاف لاشياء ربنا عطانا اياها باجسامنا وحنا ماندري زي كثير اشياء ربي اعطانا وماندري عنها.
خلونا نتصالح مع انفسنا ونستفيد من التشابه بين ايدينا وارجلنا وجسدنا ككل ونحاول نعالج انفسنا ونحصنها ضد الامراض والذ مافي هذي الطريقة انها ماتضر على المدى الطويل بعكس الادوية الكيميائية.


" و في انفسكم أفلا تتفكرون "

زي ما قلت ان ربنا خلق بأيدينا وارجلنا منظومة شبكة عصبية تؤثر بشكل ملحوظ على باقي اعضاء جسمنا , هذي الشبكة عبارة عن نقاط منتشرة في اليد والقدم وكل نقطة موصولة بعضو محدد في الجسم من ادمغتنا الى المسالك البولية سبحانك ربي , هذي النقاط اول ما نحفزها ينعكس هذا التحفيز بشكل ايجابي على اعضائنا.

خلونا ناخذ المشي ك مثال المشي يعتبر من اهم الرياضات ليه ؟

لان المشي يحفز نقاط الشبكة العصبية اللي في اقدامنا بكذا ينعكس هذا التحفيز على اجسامنا وصحة اعضاءنا عشان كذا دايم تسمعون ان المشي يحافظ على صحة الجسم ويحمينا من اكثر الامراض
لذلك لابد اننا نتعلم شلون نحفز هذي النقاط اللي تعتبر منظومة الشبكة العصبية اللي تمثل اجسامنا وصحة اعضاءنا.


 



 



 


 

 


كيف ابحث عن النقطة الصح واحفزها؟


اولا لابد انك تحددين مكان الالم بالضبط , هل الالم في القسم الامامي من الجسم والا الخلفي ؟ هل هو في الراس , في القفص الصدري , منطقة البطن او اليدين والرجلين ؟

بعدما تعرفين وين الالم بالضبط مابقى الا انك تحددين النقطة في يدك اللي تأثر على العضو المريض واضغطي عليها بقوة باداة موب حادة زي عود كبريتاو قلم 
الضغط ذا راح يفتت الموجات الكهرومغناطيسية اللي تصدرها اجسامنا نتيجة
 لتعرضه لخلل ما.

ثانيا حركي العود بشكل دائري مع عقارب الساعة او عكسها , زيدي الضغط بالاداة تدريجيا راح تلاحظين ان النقطة المؤثرة راح توجعك اذا ضغطتي عليها لانها تأثر وتتأثر برضو بالعضو المريض لذلك اذا ماعرفتي تحددين النقطة دوري على النقطة اللي توجعك اكثر شي وراح تكون هي النقطة الصحيحة.

 راح تلاحظين بمدة قصيرة ان الالم اختفى وتلاشى تماما هينا نكون خلصنا العلاج.

اضغط هنا للاشتراك بتطبيق كل يوم حكمة


وانتي تبحثين عن النقطة اذا لقيتي اكثر من نقطة تألمك عالجي كل نقطة على حدى بنفس الطريقة اما بالامراض المزمنة فالتدليك مرة وحدة مايكفي لازم تكررين العملية يوميا من 3 الى 5 دقائق كل 4 ساعات.

حطي ببالك كلما حددتي النقطة وحفزتيها بالطريقة الصحيحة كلما كانت النتائج احسن واسرع.

الصور توضح النقاط اللي تماثل الالآم اللي ممكن تصيب عضو معين :
 











التدليك الوقائي لليد والقدم:

في العلاج بالسوجوك يعتبر التدليك مفتاح رئيسي للكشف عن نقاط مؤلمة في ايدينا او اقدامنا ما كنا ندري انها موجودة اساسا , عشان كذا خصصي لنفسك كل يوم وقت محدد تدلكين فيها ظاهر يدك وقدمك بابهامك وسبابتك وانا متاكدة انك راح تمرين على نقاط مؤلمة كثيرة تدل على مشاكل وعدم انتظام باجسامنا , كل اللي علينا نسويه اننا نحفز هذي النقاط زي ماتعلمنا , على فكرة منطقة الدماغ تتماثل مع نهايات الاصابع لذلك لابد ندلك نهايات اصابعنا وسطح اظافرنا وراح تحسين وانتي تسوين هذي الحركة بدفئ وراحة واسترخاء فضيع.

 

 


العلاج ببذور النباتات:

مبدئ اخر من مبادئ العلاج بالسوجوك انك تستخدمين بذور نباتات بغض النظر عن نوع البذرة.

image

ما هو الرفلكسولوجي؟ ( Reflexology )

  • العلاج عبر تقنية السوجوك sujok و الرفلكسولوجي Reflexology

الرفلكسولوجيا.. علم يعنى بتدليك انعكاسات أعصاب الجسم في اليدين والقدمين ، ويرجع تاريخ المعالجة بتدليك القدمين واليدين الى قرون خلت ...

2,451 قراءات
حكمة اليوم:

فيديوهات

مدوّنات الجانب الصحي والبدني:

المزيد ...

مقالات و مدوّنات أخرى: